Напярэдадні Дня настаўніка, у пятніцу 4 кастрычніка за некалькі хвілін да пачатку працоўнага дня прайшла акцыя пад дэвізам «павіншую педагога першым!», тым самым падарыўшы  мэтрам педагагічнай справы  і   юным выкладчыкам радасны настрой.

Да гэтага часу ўжо стракацелі групавыя газеты са святочнымі віншаваннямі. А па калідорах і кабінетах навучальнай установы  разліўся салодкі водар вясны, хоць за вокнамі гаспадарыла жаўтавокая восень.

У другой палове дня актавая зала каледжа сабрала працоўных і навучэнцаў на урачыстую праграму, дзе  гучалі словы  падзякі  т віншавання НАСТАЎНІКАМ  і  ўсім тым, хто  абслугоўвае  навучальны працэс.

У  гонар прафесійнага свята адбыўся   цудоўны, цёп-лы, восеньскі канцэрт.